საქართველოს ონკოლოგიური უროლოგიის ასოციაციის მიერ, ქალაქ ბათუმში, 26 ივლისს ჩატარდა კონფერენცია პირველადი ჯანდაცვისთვის – „ულტრათანამედროვე მიდგომები უროლოგიური დაავადებების მართვაში.”
კონფერენციის მიზანი იყო, პირველადი ჯანდაცვის დონეზე მომუშავე პროფესიონალებისთვის უროლოგიური და ონკოუროლოგიური დაავადებების მართვის თანამედროვე მიდგომების გაზიარება.
მოდერატორები იყვნენ: ქარაზანაშვილის რობოტული ცენტრის დამფუძნებელი, პროფესორი გურამ ქარაზანაშვილი და წამყვანი უროლოგი გიორგი კალანდია.
განხილული თემების ძირითადი მიმართულებები:
- პრობლემები პროსტატის კიბოს სკრინინგსა და ადრეულ დიაგნოსტიკაში საქართველოსა და მსოფლიოში
- პირველადი ჯანდაცვის დონეზე პროსტატის კიბოს სკრინინგის უახლესი მოდელი, დაფუძნებული მიკრო-ულტრაბგერა 29მგჰც – ზე – საჭიროა თუ არა მაგნიტურ რეზონანსული ტომოგრაფიისთვის მამაკაცთა რეფერირება
- პროსტატის კიბოს ლოკალური გავრცელების დადგენა პირველადი ჯანდაცვის დონეზე
- ულტრათანამედროვე სტანდარტებზე დაფუძნებული პროსტატის ბიოფსია – შესაძლებლობა პირველადი ჯანდაცვის დონეზე მსხვილ სპეციალიზირებულ ცენტრებში რეფერირების გარეშე.
- პროსტატის სიმსივნის აქტიური მეთვალყურეობის სტრატეგია
- რობოტული ტექნოლოგიები პროსტატის კიბოს მკურნალობაში, საჭიროა თუ არა პაციენტთა რეფერირება სხვა ქვეყნის კლინიკებში
- პროსტატის კეთილთვისებიანი გადიდების დიაგნოსტიკა და მართვა პირველადი ჯანდაცვის პირობებში და თანამედროვე მკურნალობის მეთოდები
- საშვილოსნოს პროლაფსი და შარდის შეუკავებლობა – დიაგნოსტიკა, ტრიაჟი პირველადი ჯანდაცვის პირობებში და მკურნალობის თანამედროვე მეთოდები.
- შარდკენჭოვანი დაავადების დიაგნოსტიკა, ტრიაჟი, მეთვალყურეობა პირველადი ჯანდაცვის პირობებში და თანამედრვე მკურნალობის მეთოდები
- თირკმლისა და შარდის ბუშტის სიმსივნეების ადრეული დიაგნოსტიკა პირველადი ჯანდაცვის დონეზე
- თირკმლის სიმსივნის ლიკვიდაცია თირკმლის შენარჩუნებით – რობოტული ქირურგიის მიღწევები საქართველოში, საჭიროა თუ არა პაციენტთა რეფერირება სხვა ქვეყნის კლინიკებში
- პროსტატიტის და ერექციული დისფუნქციის დიაგნოსტიკა და მართვა დარტყმით-ტალღოვანი თერაპიის ჩართულობით პირველადი ჯანდაცვის პირობებში
- ტკივილის სინდრომი, მენჯის და ზურგის მიდამოს შოკ – ტალღოვანი თერაპია პირველადი ჯანდაცვის პირობებში
- ურო-ონკოლოგიური დაავადებების სისტემური თერაპია – შესაძლებელია თუ არა ეს პირველად ჯანდაცვის პირობებში
- შეჯამება: უროლოგიური დაავადებების თანამედროვე მართვა – შესაძლებელია თუ არა პირველადი ჯანდაცვის პირობებში
ღონისძიებას დაესწრო ასი სხვადასხვა სპეციალობის ექიმი (უროლოგები, ონკოლოგები, ოჯახის ექიმები და რადიოლოგები) საქართველოს სხვადასხვა რეგიონიდან.