პროფესორი გურამ ქარაზანაშვილი — მედიცინის მეცნიერებათა დოქტორი, რობოტული ქირურგი, ონკო-უროლოგი და რეკონსტრუქციული უროლოგი, „გურამ ქარაზანაშვილის რობოტული ცენტრის“ დამფუძნებელი. იგი არის საქართველოს ონკოლოგიური უროლოგიის ასოციაციის პრეზიდენტი, მსოფლიო უროლოგიური ონკოლოგიის ფედერაციის აღმასრულებელი კომიტეტის წევრი, საქართველოს ჯანდაცვის სამინისტროს ექსპერტი უროლოგიაში და საქართველოს ეროვნული პრემიის ლაურეატი.
მისი მრავალწლიანი პროფესიული და სამეცნიერო საქმიანობა მოიცავს ევროპის წამყვან სამედიცინო ცენტრებში განხორციელებულ კლინიკურ და სამეცნიერო პროგრამებს. პროფესორ ქარაზანაშვილის სახელს უკავშირდება საქართველოში და კავკასიის რეგიონში რობოტული ქირურგიის დანერგვა — 2024 წელს მან ჩაატარა რეგიონში პირველი რობოტ-ასისტირებული ოპერაცია, მოგვიანებით კი რობოტული ტექნოლოგიის გამოყენებით შეასრულა ხელოვნური შარდის ბუშტის შექმნის უნიკალური რეკონსტრუქციული ოპერაცია. მისი საქმიანობის ერთ-ერთი მნიშვნელოვანი მიმართულებაა პროსტატის კიბოს ადრეული დიაგნოსტიკა და მკურნალობა, ასევე თანამედროვე ტექნოლოგიებისა და მკურნალობის მეთოდების დანერგვა და განვითარება საქართველოში და რეგიონში.
ამჟამინდელი აკადემიური და პროფესიული როლები2025 წლიდან — საქართველოს ეროვნული უნივერსიტეტის (SEU) კლინიკური პროფესორი და უროლოგიის რეზიდენტური პროგრამის ხელმძღვანელი; 2012 წლიდან — უნივერსიტეტ „გეომედის“ სრული პროფესორი; 2007 წლიდან — „გურამ ქარაზანაშვილის რობოტული ცენტრის“ წამყვანი სპეციალისტი უროლოგიაში.
