კონგრესი უკვე ჩატარდა.
28 თებერვალს „საქართველოს ონკოლოგიური უროლოგიის ასოციაციამ“ მორიგი მასშტაბური კონფერენცია გამართა თემაზე- „პროსტატის კიბოს თანამედროვე მართვა.“
ღონისძიებაზე განხილული იყო პროსტატის კიბოს სკრინინგისა და მართვის უახლესი ინოვაციები და მიდგომები, მათ შორის:
საქართველოში პროსტატის კიბოს სკრინინგის აქტუალური პრაქტიკა;
მიკრო-ულტრაბგერა (29MHz) კიბოს ადრეული დიაგნოსტიკისთვის; სიმსივნის აქტიური მეთვალყურეობის სტრატეგიები, რობოტული ქირურგიის წინსვლა საქართველოსა და კავკასიაში; პროსტატის რობოტული ულტრაბგერითი თერმოაბლაცია (რუთი); მიკრო-ულტრაბგერაზე დაფუძნებული ტრანსპერინეულიი/თარგეტული „ფიუჟენ“ ბიოფსია, როგორც „ოქროს სტანდარტი.“
კონფერენციას 100 წამყვანი სპეციალისტი დაესწრო, მათ შორის უროლოგები, კლინიკური ონკოლოგები, რადიაციული თერაპევტები და რადიოლოგები, რომლებიც ერთმანეთს თავიანთ გამოცდილებას უზიარებდნენ.
