2016 წელს საქართველოში გაიმართა უპრეცედენტო მასშტაბის მეორე საერთაშორისო სამეცნიერო სიმპოზიუმი. ღონისძიება ეძღვნებოდა თანამედროვე მედიცინის უმნიშვნელოვანეს გამოწვევას – ,,პროსტატის სიმსივნის შორსწასული ფორმების ეფექტურ მკურნალობას“.
ევროპისა და ამერიკის წამყვანმა უროლოგებმა და ონკოლოგებმა, კონგრესზე დებატების ფარგლებში ისაუბრეს პროსტატის კიბოს განკურნების მულტიმოდალურ გზებზე.
სიმპოზიუმი გაგრძელდა 3 დღის განმავლობაში პრეზენტაციებისა და დებატების ფორმატში.
სიმპოზიუმის ორგანიზატორის – ემ-ემ-ტე ჰოსპიტალის უროლოგიური განყოფილების ხელმძღვანელის, გურამ ქარაზანაშვილის განმარტებით, სიმპოზიუმი მნიშვნელოვან როლს ასრულებს პროსტატის შორსწასული სიმსივნის მკურნალობაში, რადგან აღნიშნული სიმპოზიუმის ფარგლებში განხილული იქნა ის თანამედროვე ტენდენციები და მიდგომები, რომელთა დახმარებითაც შესაძლებელი იქნება პროსტატის შორსწასული სიმსივნის ეფექტური დამარცხება.
სპონსორი – შოთა რუსთაველის ეროვნული სამეცნიერო ფონდი
მხარდამჭერი – ამერიკის უროლოგთა ასოციაცია
ორგანიზატორი – „ემ-ემ-ტე ჰოსპიტალი“
